బుద్ధుని బోధనలు ఏతరం వారికైనా, ఏకాలంనాటి వారికైనా, ఎలాంటి సమాజానికైనా శిరోధార్యం. బుద్ధుని బోధనలకు దీటైన బోధనలు గతంలోకాని ఆ తర్వాత కానీ మరింకెవ్వరి నుండి రాలేదు. వచ్చే అవకాశం కూడా లేదు. కారణం ఆ బోధనలు అంతిమ స్థాయికి చెంది వున్నాయి. అంతిమ సత్యాన్ని ఆవిష్కరించాయి.

              బుద్ధుని బోధనలను ఆచరించి ఏ వ్యక్తులయినా , ఎలాంటి వ్యక్తులయినా , పరివర్తనకు లోనై పరమానందంతో జీవించ గలరు. అలాంటి బుద్ధుని భోధనలకు రెండున్నరవేల సవత్సరాలుగా ఎందరో తాము ఆచరించి, సాధనచేసి, తరతరలా నుండి తమ సమకాలీనులకు అందించే నిమిత్తం రచనలు చేశారు. బౌద్ధ ధర్మాన్ని ప్రచారం చేశారు. ఆ పరంపరకు చెందిన వారే వల్లభనేని షణ్ముఖానందగారు. శ్రీ వల్లభనేని షణ్ముఖానంద బౌద్ధ అభిమాని, విపశ్యనా సాధకుడు. బౌద్దని అర్ధం చేసుకొని, ఆచరించి, నలుగురికి తెలియ చెప్పాలని వ్రాసిన వ్యాసాల సంపుటే ఈ గ్రంధం.