ప్రపంచంలో అనేక మతములున్నవి. వీని ననుకరించు వ్యక్తులయొక్క నిత్య జీవితవిధానము ఈ మతములయొక్క సంప్రదాయములకు లోనయి వర్తించుచున్నది. ఈ సంప్రదాయములే వివిధమతముల మధ్యగల అంతరములకు మూలమగుచున్నవి. వైదిక మతములో ఈ సంప్రదాయములు వ్యక్తియొక్క చతుర్విధపురుషార్ధ సాధనకు దోహదకారులుగా మన ఋషులచేత ఏర్పరుపబడినవి. ఈసంప్రదాయములకు మూలములు ఆఋషులచేత నిర్దేశింపబడిన షోడశ (16) సంస్కారములు.

                                                      "ఆత్మశరీరాన్యతరనిష్ఠో విహితక్రియాజన్యోతిశయవిశేషః సంస్కారః "

                                                       అనగా "ఆత్మ యందుగాని, శరీరమందుగాని యే వేదవిహితములైన క్రియలు నిర్వర్తించుటచే అతిశయవిశేషము కల్గునో అదియే సంస్కారము" అని దీని కర్దము. ఈ "అతిశయవిశేష మనగా నేమి?" - వాణి నాచరించు వ్యక్తి ధైహికంగాను, మానసికంగాను, బౌద్ధికంగాను, శుద్ధుడై ధర్మనిష్ఠుడగుటయే ఈ అతిశయవిశేషము.  

                                                                                        -డా . తిరుమల కృష్ణదేశికాచార్యులు.