నిదురించే తోటలోకి..

నా ఈ 96 ఏళ్ల వయస్సులో వర్తమానం ఉండదు. గత జ్ఞాపకాలే తెరలు తెరలుగా వచ్చిపోతూ ఉంటాయి. ఇది నా వయస్సు ప్రభావం కావచ్చు.. బయట మారిన కాల ప్రభావం కావచ్చు..

చాలా మంది దృష్టిలో జ్ఞాపకాలు ఒక వారసత్వ సంపద. వాటిని దాచుకోవాలను కుంటారు. గుణపాఠాలు నేర్చుకొనేవారు అతి కొద్ది మందే! కానీ నా దృష్టిలో జ్ఞాపకాలు గడిచిన కాలానికి సూచికలు. తరాల కొనసాగింపునకు సజీవ నిదర్శనాలు.

'నిదురించే తోటలోకి పాట ఒకటి వచ్చింది..' అని శేషేంద్ర రాసిన ఒక గేయముంది. వేరే సందర్భంలో.. వేరే సన్నివేశం కోసం తను దీనిని రాసినా - ఈ పదాలు మాత్రం నా తొలి దశ జీవితానికి అతికినట్లు సరిపోతాయి. నేను పుట్టింది.. పెరిగింది రాజకుటుంబంలో. దేశంలో అనేక...........................