బ్రహ్మవిద్యతో శ్రీవిద్యకుగల సామరస్యాన్ని ఉపాసనా విధానాన్ని విశదీకరించే సంస్కృత సూత్ర గ్రంథము - 'బ్రహ్మకల'. జగద్గురు శ్రీ కల్యాణానంద భారతీ మాంతాచార్య మహాస్వామివారు లోకానుగ్రహబుద్ధితో ప్రసాదించిన సూత్రాలివి. శిష్యులకు పారాయణ యోగ్యంగా వీనిని తీర్చిదిద్దారు.

                      ప్రస్థానత్రయమైన - ఉపనిషత్తులు, భగవద్గీత, బ్రహ్మసూత్రములలోని సారాన్ని సూత్రీకరిస్తూ 'మోక్షకైక హేతువిద్యాతు శ్రీవిద్యెవ నసంశయః' అనే ఆర్ష వాక్యానికి అద్దం పట్టిన సూత్ర గ్రంథమిది. అపరవ్యాసులుగా కీర్తినందిన స్వామివారు ప్రతాప భారతీ సంప్రదాయ అనుస్యూతియే దీనికి మూలమని “సాచాదౌ శ్రీ భారత్యా సంప్రోక్తా థ శ్రీకృష్ణాభ్యాం సమ్యగుపదిష్టా శ్రీవిద్యా శంకరేణ సంస్థాపితా శ్రీవిద్యారణ్యేన సంరక్షితా మయాచాచాద్య శ్రీకల్యాణానందేన సంప్రదర్శితా బ్రహ్మకలైవ నాన్యేతి విజ్ఞాయతే||" అని ప్రకటించారు. (9వ కల 64సూ.) "శ్రీకలైన బ్రహ్మ కట్టివేతి విజ్ఞాయతే” (9వ కల 25సూ.) అనే రహస్య ప్రకాశనం చేశారు.