సాయంసమయపు మంచు

ఆకులపై పరుచుకుంటోంది

ఎవరైనా వెళ్ళి చూపండి

అతన్ని నేను వినగలుగుతున్నాను.

 

ఉన్న పాటుగా

కదంబ వృక్షం నుంచి

వెలువడిన ధ్వని

వీనులవిందు చేస్తోంది

 

కవితాత్మకమై

జీవన రహస్యాన్ని

అత్యంత మధురంగా వినిపిస్తూ

ఉద్వేగాన్ని ఉసిగొల్పుతూ

ఆశ్చర్యానందాలకు పురిగొల్పుతూ
 

ఆ కుదుపుని ఎలా వర్ణించడం

ఆ వేణు నాదం

నాలో మ్రోగుతూనే ఉంది

ప్రాణం తీస్తూ, ప్రాణం పోస్తూ

ఆ యువతి ఎవరు

మిత్రమా, ఎవరా కన్యక

తన చక్కని దేహంతో

నదిని దహింప చేస్తోంది

ఆమె పైయెద పైని స్వర్ణాభరణాలు

పర్వత మంచు పైన చంద్రుని కిరణాల్లా

ప్రకాశిస్తున్నాయి.................