రెక్కల సృష్టికి భూమ్యాకాశాలు రెక్కలు కాలానికి దివారాత్రాలు రెక్కలు సాగరాలకు తరంగాలు రెక్కలు పర్వతాలకు శిఖరాలు రెక్కలు చెట్లకు కొమ్మలు రెక్కలు పూలకు రేకులు రెక్కలు. అగుపించని రెక్కలని అవి విచ్చుకుంటాయి. రోదసిని ఊదుకుపోయే పక్షులుగా. అవి తెరలు విప్పుకుంటాయి ఎదురుగాలిని చించుకుపోయే పడవలుగా.   కవి మస్తిష్కాన్ని చీల్చుకుని ఎగిసే మంటలు ఆ రెక్కలే. ఋషి కంటి మూతల్ని ఒరుసుకుని మెరిసే చూపులు ఆ రెక్కలే. నడుం విరిగిన రోడ్ల మూల్గులను హోరు గొంతుకలుగా ఎగరేసే ఊరేగింపులూ ఆ రెక్కలే................