సృష్టి 
 

నా అక్షరాలు

వెన్నెల రాల్చే తుడుం దెబ్బలు

నా అక్షరాలు

రాత్రికి రంగులద్దే డప్పు వరసలు

నా అక్షరాలు

కందికొత్తల సాయంత్రాన ఒకటై నడిచిన ధింసా అడుగులు

నా అక్షరాలు

కొండకు కమ్ముకున్న చీకటికి చితిపెట్టే పోడు మంటలు

నా అక్షరాలు

జాకరమ్మ ఎదుట అన్యమతానికి శిలువేసిన శిలాక్షరాలు

నా అక్షరాలు

కొండ దొంగల పై ఎక్కుపెట్టిన శిలకొల మొనలు

నా అక్షరాలు

వనాల్ని కలగనే రేపటి వెలుగు విత్తులు

నా అక్షరాలు

రేపటికి పదును పెట్టె నేటి కవితా పాద పద్యాలు

నాకు కవిత్వమంటే

అరణ్యాలను సృష్టించడమే!