ఆహ్వానము :

    1.    శ్రీసమృద్ధికి భరతధాత్రీలలామ
          పెట్టినది పేరు - వేదాంతవీధిలోన
          ప్రమిద వెలిగించె|| చమురు పోయుము శివాత్మ!
          ద్వారకామాయి సాయి! సన్మార్గదాయి!

2.       శ్రీ షిరిడినాథ! కవితాభిషేకమిడగ
          పద్యమై నిల్చితిని; రమ్ము! భావవీణ
          నెటుల మీటెదవో! భారమెల్ల నీదె!
          ద్వారకామాయి సాయి! సన్మార్గదాయి!

3.       శ్రీచిదానందభూష! షిర్డీనివాస! “
          ద్వారకామాయికిదె పద్య "తోరణమ్ము”!
          వెరసి “ద్వారతోరణము” - దీవింప రావె!
          ద్వారకామాయి సాయి! సన్మార్గదాయి!