గిల్గమేషు, ఎంకిడు - కథా కమామిషు
యాభయ్యేళ్ళ కిందట, మా గురువు రాంభట్ల కృష్ణమూర్తిగారి నోటమ్మట గిల్గమేష్, ఎంకిడు, ఇనన్నా (ఇష్టార్) వగైరా పేర్లు విన్నాం మేం. రాంభట్లగారికి పరిచయస్థులనేవారే వుండరు. ప్రతి ఒక్కరినీ "ఏం ఫ్రెండూ? ఏటి కవుర్లు?" అంటూ చనువుగా పలకరించేవారు. మేమూ ఆయనతో చనువుగానే వుండేవాళ్ళం. అలా ఆయన వుండనిచ్చేవారు.
"అసలు ఎవరీ గిల్గమేషు, ఎంకిడు, ఇనన్నా?
వాళ్ళ కథా కమామిషు ఏమిటి?
ఎప్పటివాళ్ళు? ఎక్కడివాళ్ళు? ఎలాంటి వాళ్ళు?
ఏ పుస్తకంలో వాళ్ళ సమాచారం దొరుకుతుంది?
మనకీ వాళ్ళకీ ఏమయినా సంబంధం వుందా?"
ఇలా రాంభట్ల గారిమీద ప్రశ్నల వర్షం కురిపించాం.
ఆయన చిద్విలాసంగా (అంటే ఏంటని నన్నడక్కండి - నాకూ తెలీదు!) నవ్వి, "విపులాచ పృథ్వీ! అనగా, ఈ ప్రపంచం విస్తారమైంది- అందులో మీ ప్రశ్నలకు జవాబులు వెతుక్కోండి నాయనలారా!!" అన్నారు నాటకీయంగా.
మా గురువుకు "అరటిపండు ఒలిచిపెట్టినట్లు" వివరించే అలవాటులేదు. వినేవాళ్ళలో ఆసక్తి రేకెత్తించే ప్రశ్నలు వేసి, వాళ్ళే సొంతంగా ఆ పుస్తకం కోసం ప్రయత్నించేలా చెయ్యడం రాంభట్ల మెథడ్. అందులో భాగంగానే, గిల్గమేషు, ఎంకిడు తదితరులు కథలు అసీరియన్ పురా(ణ) గాథల్లో భాగమని చిన్న హింట్ ఇచ్చి వదిలేశారాయన. తరచిచూస్తే ఆ పురాగాథలకూ, మన పురాణ కథలకూ పోలికలూ తేడాలూ కనిపెట్టవచ్చునన్నది ఆయన మాటల సారాంశం.
అసీరియన్ పురాగాథల ముఖ్యంగా గిల్గమేషు, ఎంకిడు కథల కోసం నా వేట మర్నాడే మొదలుపెట్టా!
అయితే, అవి ఎక్కడ దొరుకుతాయో తెలియక పోవడంతో, హైదరాబాద్ సిటీ సెంట్రల్ లైబ్రరీలో కనిపించిన ప్రతి పుస్తకంలోనూ 'విషయ సూచిక' చూసి, దాన్ని.........................
