సొవెటో

అయ్యా...

మా వీపుల్ని వేదికలు చేస్తాము మీరు ప్రసంగమై మ్రోగండి.

మా పాలిండ్ల నుండి ఓట్ల బొట్లు రాలుస్తాము

పదవుల మిఠాయిల్ని మీరే పంచుకుతినండి.

మా ఒంటిమీద చెమట చెరువుల్ని పారిస్తాము

హద్దులు జరిపి మిద్దెలు కట్టుకోండి.

కులం కత్తికి పుత్తడి పిడులమవుతాము

ఇత్తడి బిందెలకి మా నెత్తుటి బొట్లు దిద్దండి.

మీ శిరస్సులను శ్రమదోసిళ్ళతో అభిషేకిస్తాము

మా పాదాల కాడికి అన్నపుముద్దలు విసిరేయండి............................