పొలాల కల

ప్రతి పండగా కళకళతో పాటు

ఒక కలను కూడా వెంట తెస్తుందా?

ఈ ఉగాది తెచ్చిన కల పేరు

రాజధాని


 

తొలకరి మబ్బుమీద మబ్బల్లే కల

తూరుపు వెలుగునంతా మింగిన కల

స్వప్నచ్ఛాయల్లో మూలాలేవో కదలబారతా -

పొలాలు అరూపాలవుతా అపురూపాలవుతా -

కోటిరూపాయల నోటొక్కటి

పది ఆమడ పంటచేల మంచెమీద

రెపరెపలాడతంది

పైరగాలుల పరిమళాల్ని పరిహసిస్తంది.

రైతు ఇంటి తలవాకిలికి

ఏడు రంగుల వరదగూడు వేలాడదీస్తంది.

 

తరతరాలు ఈ కందకాల్లో పారిన

నల్లరేగడిలో ఇంకిన

నా తండ్రుల తాతల ముత్తాతల

చెమటకాల్వల విలువెంత?

బెట్ట దీసిన చేల నెర్రెల్లో దిగబడి మెలి

దిరిగిన కాళ్ల తీపుల లెక్కెంత?....................