దేశంలో నేడు హిందూ మతోన్మాదం వేయిపడగల నాగుబాములా కాలకూట విషం చిమ్ముతున్నది. మతోన్మాదానికి రాజ్యం ప్రత్యక్ష, పరోక్ష మద్దతు కూడ లభించుతుండటంతో దాని విశృంఖలత్వానికి అడ్డు అదుపు లేకుండా పోతున్నది. ఇది మనందరి ముందున్న ప్రత్యక్ష సత్యం. అతి ప్రమాదకరమైన ఈ మహమ్మారి అది ఏ మతానికి చెందినదయినా ఎదుర్కొని నిర్మూలించడం అసలు దాని అవిర్భావానికి కారణం ఏమిటి, అది ఇంతగా అభివృద్ధి చెందటానికి దోహదపడిన అంశాలేమిటి అన్న విషయాన్ని అర్థం చేసుకున్నపుడు మాత్రమే పూర్తి స్థాయిలో సాధ్యమవుతుంది. అలాంటి ప్రయత్నానికి ఎంతగానో ఉపయోగపడేది ఈ ప్రచురణ.