ముందుమాట

90% ఆర్థిక తప్పులు తెలియక చేయం (నిజం). తెలిసే చేస్తాం. బిజీ గా ఉన్నాం అనే భ్రమలో చిన్న చిన్న విషయాలు విస్మరిస్తుంటాం. ఈ పుస్తకం లో చాలా విషయాలు మీకు తెలిసినవి. తెలుసు అనుకున్నవే. అయినా... ప్రపంచాన్ని మర్చిపోయి చదవండి.

మీ తెలివి తేటలు, మేధస్సు మర్చిపోయి చదవండి.

మీ గూగుల్ మేధస్సు ను, చాట్ జీపీటీ క్రియేటివిటీని పక్కన బెట్టి ఆలోచించండి. ఆలోచిస్తే చాలదు. ఇప్పుడు నేను చేయాల్సింది ఏమిటి అనే క్రియాశీల దృక్పధం తో

షూటింగ్ లో శిక్షణ పొంది ఖరీదయిన గన్ కొంటే చాలదు. బుల్లెట్ దిగాలి అంటే యాక్షన్ కావాలి. ఇందులో ఉన్నవి అన్నీ action scenes మాత్రమే. మీరు కూడా 'హీరో' (మీ జీవితం లో మీరే కదా) అయితే మీ నిజ పాత్రలని action లో చూపించి జీవించండి.

ఇందులోని పేజీలని కళ్ళు మూసుకుని మౌనంగా ఏం చేయాలి అని అంతర్నేత్రం తో దర్శించి మరో పేజీ కి వెళ్ళండి. ఎందుకంటే ఇందులోవన్నీ మీకు మాత్రమే వర్తించేవి కావు.

మీ అమ్మ, నాన్న, తమ్ముడు, చెల్లి, స్నేహితుడు, ఆటో డ్రైవర్, డబ్బు మాత్రమే సంపాదించుకున్న పేదవాడు, డబ్బు లేకున్నా ఆనందంగా ఆస్వాదించే కర్మ యోగి ఎవరికయినా ఉపయోగ పడవచ్చు.

మీ కోసం. మీ వారి కోసం కూడా చదవండి.

ఇందులోని, ప్రశ్నలే పరిష్కారాలు..........................