మార్కండేయ మహాపురాణ విశేషాలు

ఉపోద్ఘాతము

తర్కింపంగ నశక్యమైన వితతోద్యద్దీప్తి జాలంబుచేస్
అర్కుండెట్లు వెలుంగు బహుపుణ్య శ్రేణికా వ్యాప్తి సం
పర్కస్ఫూర్తి నఘాంధకారము లడంపంజాలి లోకంబునన్
మార్కండేయ పురాణరత్న మమరు న్మాంగళ్య సంపాదియై

అని మారన మహాకవి తన తెలుగు మార్కండేయ పురాణ రచనకు కారణం, దాని మహాత్మ్యమేనని తెలియజేశాడు. (అవ - 16)

అష్టాదశ మహాపురాణాలలో మార్కండేయ పురాణం ఏడవదని పరంపరగా చెప్పబడు తున్నది. పురాణ గణనాక్రమంలో మిగిలిన పురాణాల స్థానం గురించి కొన్ని వాద వివా దాలు ఉన్నా మార్కండేయపురాణ స్థానంలో ఎలాంటి వివాదానికి తావులేదు. కాబట్టి మార్కండేయ పురాణం మహాపురాణమేనని చెప్పటం సంగతం. అయితే దేవీ భాగవతంలో అష్టాదశ పురాణాల పేర్ల మొదటి అక్షరాలతో చెప్పిన 'మ' ద్యయం 'భ' ద్వయంచైవ 'బ్ర' త్రయం 'వ' చతుష్టయం అనాపలింగ కూస్కాని పురాణాని పృథక్ పృథక్ అనే శ్లోకం ప్రకారం 'మ' ద్వయం అంటే మత్స్య, మార్కండేయ పురాణాలు. కాబట్టి మార్కండేయ పురాణానికి ఇది 2వ స్థానం ఇచ్చింది అని చెప్పవచ్చు. అష్టాదశ పురాణాలలో బ్రహ్మర్షి పేరుతో విఖ్యాతమైన మహాపురాణం మార్కండేయం ఒక్కటే.....................