మాయ

ఏ ఉపేక్ష చేతనో తెలియదు కానీ
ఈరాత్రిలోకి నడిచిరావడానికి
నాకు అనుమతి లభించింది.

ఏ కారణాంతరాలను లక్ష్యించని.

ప్రేమ వల్ల

తర్కాన్ని ఏనాడో విడిచివచ్చాను.

ఖడ్గయోధుల వలె కలహించే

బహిరంతర ఘర్షణ

తప్పించుకున్న వాళ్ళు ఒక్కరూ ఎదురుపడలేదు.

మాయ చేత కప్పబడిన మన దేహాలు
ఈ వలయాల చిక్కువడి

నా నించి నీవు

నీ నుంచి నేనూ ప్రసరించి

ఏ ఆనంద ధామాలకి కళ్ళు తెరిచామో.

ఘడియయైన నిలవని దాని పేరేమిటో

నీకైనా జ్ఞాపకముందా.............