కాలక్షేపం
(TIT BITS) మొదటి భాగం •
అణాటికెట్టు పెట్టి, సోమయ్య, ఒకచోట గ్రామఫోను వాయిస్తూఉన్న సమయంలో సూది అదే గాడిలో పాడడంవల్ల గుర్రుమని అదేధ్వని కాగా, శ్రోతలలో ఒకడైన...
కైలాసం - ఆ పాడేవాణ్ణి లేచికూర్చుని తిన్నగా పాడమనకూడదూ?
అనగా, నలుగురూ నవ్వగా,
కై - (పక్కవాడి చెవిలో నాది పొరపాటుగావును! గ్రామఫోను పుంలింగమా, స్త్రీలింగమా?
పక్క - నపుంసక కూడాను!
కై - అయితే త్రిలింగా?
పక్క కాదు. గ్రామఫోనూ, కాళహస్తీకూడా వాయులింగాలే!
మేష్టరు - ఈ లెక్కకి ఆన్సరు అర్ధణా తక్కువ వచ్చిందేం? సోలయ్య !
సో - నిన్న పొద్దున్న మా బామ్మచేతి కిచ్చానండి.
మే - అడిగి పట్రా రేపు.
సో - (విచారంతో) నిన్న సాయంత్రం మా బామ్మ పోయిందండి.
మరొక బాలుడు - మేష్టారండి. వట్టిదండి. ఈ వేళ, నే చూశానండి!
మే - ఏమిరా, వెధవా! బతుకున్న వాళ్ళమీదే వొట్లు?
సో - మా బామ్మ పోయినట్లు మా నాన్న ప్రమాణిక్యం చేసి నెల తిరిగిందండి.
అల్లుడు - చూడండి, అత్తా! తొమ్మిదిగంటల బండికి వెళ్ళాలి. వంట త్వరగా కానీండి.
అత్త - అడ్డమా! తొమ్మిదిదాకా ఎందుకు నాయనా, రెండింటికి అయిపోతూంటేనూ!
రామయ్య - భీమారావు! సోమన్న దగ్గిర ఎంత ఉందని నీ తాత్పర్యం. క్రియమాట.
భీ- పది లకారాలుండచ్చు. నీ ఊహ?
రా పది లకారాలు లెక్కేమిటి? డెబ్బై పిల్లకూన్ల పైమాట.
తెల్లారక గదిలోనించే
దత్తుడు - ఒరేయి, భంట్రోత్ ! సూర్యోదయం అయిందేమో, చూడు.
భం - అంతా చీకటిగా ఉంది బాబూ, అయిందేమో, ఏమీ కనిపించడంలేదు.
ద - ఏమిరా పొగరూ! కనిపించకపోతే దీపబ్బుద్ధి పట్టుకువెళ్ళి చూడాలని తెలియదూ?
భం - చిత్తం. అగ్గిపెట్టి తమదగ్గరే ఉంది.
దత్తుడు గారి భార్య పోనీ నిప్పుపుడక మీదగ్గరే ఉంటే మన పాతికరూపాయల కొత్తలాంతరు ముట్టించి ఇయ్యండి, పాపం! బుడ్డి వెతుక్కుంటాడూ!........................
