అద్భుత విజయాలకు ఆలంబన...
 

'ఫిష్ ట్యాంక్ ఫిలాసఫీ'

అనగా అనగా ఒక ఊరు. ఆ ఊరిలో రాము, సోము, రాజు అనే ముగ్గురు స్నేహితులు ఉండేవారు. ఒక రోజు ముగ్గురూ తమ ఊరి సమీపంలో ఉండే పెద్ద చెరువులో చేపల వేటకు వెళ్లారు. రాము వలలో ఆ రోజు మామూలుగా కంటే ఎక్కువ చేపలు పడ్డాయి.

చేపలను వలనుంచి తన బుట్టలోకి మార్చేటపుడు బంగారువర్ణంతో మెరిసిపోతున్న మూడు చేపపిల్లలు కూడా అతని కంట పడ్డాయి. ఈ మూడు చేపపిల్లలను ఎంతో జాగ్రత్తగా వలనుంచి తీసి తన ఇద్దరు స్నేహితులకు చూపించాడు. ఎంతో ముచ్చటైన ముద్దు గొలిపే బంగారు చేపపిల్లలను ముగ్గురము పంచుకుందామని సోము ప్రతిపాదించాడు. దానికి రాము సరేననటంతో ముగ్గురూ ఒక్కో బంగారు చేపపిల్లను తీసుకున్నారు.

ముగ్గురూ ఆ రోజు చేపల వేట ముగించుకొని యధావిధిగా తమ ఊరి పక్కనే ఉన్న మార్కెట్కు వెళ్లారు. చేపలు కొనటానికి మార్కెట్కు వచ్చిన ఎంతో మంది దృష్టిలో ఈ బంగారు చేపపిల్లలు పడ్డాయి. అయితే వీటిని మాత్రం అమ్మకూడదని రాము, సోము, రాజు మొదటే నిర్ణయించుకోవటంతో, అవి అమ్మకానికి కాదని చెప్పి, తమ వద్ద ఉన్న మిగతా చేపలను అన్నింటినీ అమ్ముకొని ఇంటికి చేరారు.

రాము తన బంగారు చేపపిల్లను ఓ గ్లాసులో వేసి ప్రతిరోజూ కాసేపు దానిని చూస్తూ ఎంతో మురిసిపోయేవాడు. సోము తాను తెచ్చుకున్న బంగారు చేపపిల్లను ఓ చెంబులో వేసి, అప్పుడప్పుడు దానిని చూసి ఆనందించేవాడు. రాజు దానిని ఒక పెద్ద బిందెలో వేసి రోజూ కొంత సమయాన్ని దానిని చూస్తూ గడిపేవాడు. రోజురోజుకు చేపపిల్ల పెద్దది కావటాన్ని ముగ్గురూ గమనించారు..............