పిక్నిక్ (నాటకం)

పాత్రలు - 8:

బాస్               -     45 సం||లు)

హెడ్ క్లర్కు       -   55 (సం॥లు)

సీనియర్ క్లర్కు   -   45 (సం॥లు)
 
లేడీ  క్లర్కు      -     30 (సం॥లు)

లేడీ పిఏ       -      30 (సం॥లు)

 పిఏ భర్త      -        35 (సం॥లు)

ఆగంతకుడు     -      30 (సం॥లు)

అతని మిత్రుడు    -     25 (సం॥లు)

ప్రాపర్టీస్ : కుర్చీ, టేబుల్, పేపర్స్, కెమెరా, పాత్రలు, (రబ్బర్) స్నేక్, ప్లకార్డులు / బేనర్లు, రిసీవర్

మొదటి సీన్ (బాస్ రూమ్)

సీ: తప్పైపోయింది సారీ సర్ తప్పంతా నాదే ఈ ఒక్కసారికి....

బాస్: మిస్టర్! నీ నిర్లక్ష్యం వల్ల ఆరు లక్షలు లాస్. నువ్వు చేసిన పనికి నిన్ను ఉద్యోగం లోంచి తీసెయ్యాలి. లేదంటే కనీసం నీ ప్రమోషన్ రద్దుచెయ్యాలి. అలా చేస్తే నీకు అవమానం కాబట్టి. నా సొంత రిస్కు మీద కేవలం ఒక ఇంక్రిమెంటు మాత్రం కట్ చేసి నిన్ను వదిలేస్తున్నాను. ఇకనుంచైనా జాగ్రత్తగా పనిచెయ్

సీ:  (దిగులుగా వెళ్తుండగా లేడీ క్లర్క్ ఎదురై)

లే: సార్ మూడ్ ఎలా వుంది? లీవిస్తాడా?

సీ: ఇస్తాడిస్తాడు. (వెటకారంగా) వెళ్ళు

లే: సార్ పని చేసి చేసీ బోరు కొడుతోంది సార్. వారం సెలవు కావాలి