భారతీయ సాక్ష్య అధినియం, 2023

(THE BHARATIYA SAKSHYA ADHINIYAM, 2023)
 

నిష్పాక్షికమైన విచారణకు అవసరమైన సాక్ష్యమునకు సంబంధించిన సాధారణ సూత్రములను క్రోడీకరించు నిమిత్తము ఈ చట్టమును రూపొందించటమైనది.

భారత రిపబ్లిక్ యొక్క డెబ్బది నాలుగవ సంవత్సరములో, పార్లమెంటు చేత ఈ చట్టము ఈ క్రింది విధముగా రూపొందించబడినది.

పూర్వ రంగము

ఈ చట్టము అమలులోనికి రాకపూర్వము, 'భారతీయ సాక్ష్యాధారముల చట్టము, 1872” అని ఒక చట్టము అమలులో ఉండెడిది. బ్రిటిష్ వలస పాలకుల చేత ఆ చట్టము రూపొందించబడినది. అప్పుడప్పుడు ఆ చట్టమునకు కొన్ని సవరణలు చేయబడినప్పటికి, వర్తమాన కాలమునకు వర్తించు విధముగా పూర్తిగా ప్రక్షాళన చేయబడలేదు. ఈ చట్టము సివిల్, క్రిమినల్, చట్టములకు అన్నింటికి వర్తిస్తుంది. వర్తమాన కాలమాన పరిస్థితులకు అనుగుణముగా నూతన సాక్ష్యాధారములు చట్టమును రూపొందించవలెనని, కేంద్ర ప్రభుత్వము భావించినది. తదనుగుణముగా ఈ చట్టము రూపొందించబడినది. ఆ క్రమములో ఈ చట్టము శీర్షిక కూడా మార్చబడినది. 'భారతీయ సాక్ష్య అధినియం'గా మార్చబడింది. పార్లమెంటులోని ఉభయ సభలు ఆమోదించిన పిదప, రాష్ట్రపతి ఆమోద ముద్ర లభించిన పిదప, ఈ సంవత్సరం జులై ఒకటవ తేదీ నుండి ఈ చట్టము అమలులోనికి వచ్చు విధముగా కేంద్ర ప్రభుత్వం నోటిఫికేషన్ వెలువరించింది. నూతన చట్టము ఈ క్రింది విధముగా ఉన్నది: