చీకట్లు ముసురుకునే వేళ హొనలులు లోని ఓ విలాసవంతమైన భవనం తలుపులు తట్టారు చక్కని దుస్తుల్లో ఉన్న ఇద్దరు ఆగంతకులు. తాము తలపెట్టిన తిరుగుబాటుకు సదురు భవనం యజమాని చేసే సాయం చాలా కీలకమైంది. అయితే అతనేమీ పోరాటకారుడో, దళాధిపతో కాదు. అలా అని ధన సహాయం చేసేవాడు, రాజకీయనాయకుడు లేకు ఆయుధాల సరఫరాదారు కాదు. జాన్. ఎల్. స్టీవెన్స్ అనే పేరుగల అతను హవాయ్ దేశంలో ఉన్న అమెరికా మంత్రి. హవాయ్ రాణిని పదవీచ్యుతురాలిని చేసి ఆ దేశాన్ని అమెరికాలో విలీనం చేసే ఒక సాహసోపేతమైన కుట్రలో ఆ రోజు రాత్రే అతను భాగస్వామి అయ్యాడు.

                                                                                       - కొణతం దిలీప్