లుఫ్తాన్సాలో అమెరికా ప్రయాణం, ఫ్లోరిడా బీచ్ షికార్లు, వాషింగ్టన్ క్యాపిటల్ హిల్, వైట్ హౌస్ దగ్గర ఫోటోలకి ఫోజులు, న్యూయార్క్ గెస్ట్ హౌస్ ముచ్చట్లు, టైమ్ స్క్వేర్ నైట్ క్లబ్, స్టాట్యూ అఫ్ లిబర్టీ కి స్టీమర్ ప్రయాణం, బ్రాడ్వేలో పాంతం ఓ పేరా, నేచురల్ హిస్టరీ మ్యూజియంలో డైనోసార్, మిత్రబృందాలతో  పార్టీలు, గెట్ టుగెదర్లు, ఈ ఆనందాలు..... అనుభూతుల మధ్య ఉద్యోగాలు రావడాలు... పోవడాలు.. కుటుంబాల గురించి ఆందోళనలు.... అనుకోని సంఘటనలు కొద్దిపాటి విషాదాలు అంతలోనే ఊరు పిలుస్తున్నట్టు ఉలికిపాట్లు... కొబ్బరి చెట్లు, కాలువ నీళ్ళు, అలుపెరుగని పరుగుల అలనాటి బాల్యం అన్ని ముప్పిరిగొన్న ఉక్కిరిబిక్కిరి ఉద్రేకాల సమాహారమే ఈ న్యూయార్క్ కథలు.