మనమందరమూ నిశ్చల మనస్సు కోసము వెతుకుటలేదా? కానీ మన మనస్సు ఎల్లప్పుడూ ఆలోచనలతో మునిగి ఉండుటలేదా? మనశ్శాంతిని తద్వారా కలిగే సహజమైన ఆనందాన్ని పొందడానికి భగవాన్ శ్రీ రమణ మహర్షి సులభమైన మార్గాన్ని ప్రసాదించారు. ఈ పుస్తకము సూటైన ఆ మార్గాన్ని వివరిస్తుంది.

                            నిశ్చల మనస్సు యొక్క అవసరం ఎంత ఉందో, మనస్తత్వ శాస్త్రవేత్తలు ఆధ్యాత్మిక సలహాదారుల ముందు పెద్ద వరుసల్లో బారులుతీరి నిలబడ్డ వాళ్ళను చూస్తే తెలుస్తుంది. నిశ్చల మనస్సు విషయంలో రమణులు స్థిర నిశ్చయంతో అధికారపూర్వకంగా సూచించిన, ఆదేశించిన దానినిబట్టి - “మనశ్శాంతి సహజం, అశాంతి కేవలం మనం కల్పించుకున్నది, లేదా ఊహించుకున్నది” అని తెలుస్తోంది. అందుచేత నిరంతరం విడవకుండా రమణుడు బోధించిన, సూచించిన మార్గంపై మనం కేంద్రీకృతమైన శ్రద్ధ చూపవలసివుంది.