సన్యాసి

ఒక సంవత్సరం పూర్తిగా జైలుశిక్ష అనుభవించి, ఇటీవలే విముక్తి పొంది వచ్చాను. నాతోపాటు విముక్తి పొందిన కొంతమంది దేశసేవకులు, శిక్షా కాలంలో కూడా.. దేశ మాతను విస్మరించకుండా ఆదే ఆలోచనలతో కాలం గడిపారు; బయటకు వచ్చిన తర్వాత తమ మరువలేని దేశభక్తిని గురించి పత్రికలలో ప్రకటించుకొన్నారు. కాని ఈ పాపిష్టి నిర్భాగ్యుణ్ణి నేను మాత్రం - సుదీర్ఘ అలస జీవితాన్ని గడిపిన పిమ్మట దుష్టవిధి కౄరకటాక్షం వల్ల అకస్మాత్తుగా సన్యాసినై, దేశమాత వీర పుతృల ప్రేరణవల్ల తరంగితుణ్ణయి, ఉత్తేజకరమైన ఉపన్యాసాలిచ్చి తత్ఫలితంగా జైలులో పడ్డాను. ఆపరాజితావస్థలో ఎవరి వ్యాకుల ఆత్మ హాహాకారాలు మహాశైలాలమీద విరుచుకు పడుతున్న ఉత్తుంగ తరంగాల గర్జితాక్రందన ధ్వనులవలె నాహృదయాన్ని కంపింప జేస్తున్నవి? ఎవరి అత్యంత నిస్సహాయావస్థను గురించిన కల్పనలు, నన్ను పిచ్చివాణ్ణి చేసి, హృదయాన్ని కలవరపరుస్తున్నవి?

నేను సన్యాసివలె అవశ్యం కాషాయవస్త్రాలు ధరించాను. కాని ఇదివరకెన్నడూ సన్యాసిని కాలేదు - ఇప్పుడూకాను. అయితే నేను ప్రపంచాన్ని నన్నూ కూడా ఎందుకు మోసగించా?? అనేక కఠోర జీవితానుభవాలు పొందాను, దేశ సేవచేశా, జైల్లోకూడా పడ్డాను. ఐనప్పటికీ, ఇప్పటికి కూడా నా యీ వసివాడిపోయిన హృదయం, ఎప్పుడైనా నాలుగు కన్నీటి చుక్కలుపడితే తిరిగి చిగిరిస్తూవుంది; ఎందు చేతనో ! ఈ శుష్క హృదయపు కణకణము అణుఅణువు ఎడారిలోని తప్తరేణువులవలె నిఖిల.......................