స్వర్ణకిరణాలు

వంశీ ఆర్ట్ థియేటర్స్ ఇంటర్నేషనల్ అనితర సాధ్యమైన సాహిత్య, సాంస్కృతిక కళావైజ్ఞాన సేవా కార్యక్రమాల్ని నిర్వహిస్తూ లోకవిఖ్యాతిని పొందిన సంస్థ. సాహితీకిరణం ఉత్తమ సాహిత్యసేవకు అంకితమై ఉన్నత విలువలతో నిర్వహించబడుతున్న సాహిత్య పత్రికగా ప్రసిద్ధిపొందింది. ఈ రెండు సంస్థలు కలిసి సంయుక్తంగా నిర్వహించిన పోటీ కథలసంకలనం ఇది. వంశీ స్వర్ణోత్సవవేళ వెలువడుతున్న ఒక మంచి జ్ఞాపిక.

ఈ పోటీకి చిన్న కథల్ని ఆహ్వానించారు. ఇది ఒక మంచి ప్రయత్నం, ప్రయోగంకూడా.

ప్రపంచీకరణం తరువాత తెలుగుకథకూడా తన రూపురేఖల్ని మార్చుకుంది. కథ-మనిషి జీవితంలోని ఒక పార్శ్వాన్నో, కోణాన్నో, సంఘటననో, సంక్లిష్టతనో, సంఘర్షణనో, మానసిక వైచిత్రినో కేంద్రీకృతం చేసుకుని క్లుప్తతతో, వస్వైక్యతతో, శైలీ శిల్ప ప్రాధాన్యంతో చెప్పబడాలి అనే అభిప్రాయంనుండి పక్కకు తొలగి మనిషి జీవితాన్నంతా చిత్రిస్తూ - పిష్టపేషణాన్నీ, చర్విత చర్వణాన్ని ఆహ్లాదించటం నేర్చుకుంది. అలాగే, కారామాష్టారన్నట్టు గతంలో బతకటానికి మోజుపడుతూ ప్రస్తుతంలో జీవించటానికి ఆనందించకుండా నిలిచింది. ఇతివృత్తంలో................