వైఎస్ఆర్ గా తెలుగు వారి గుండెల్లో సుస్థిరమైన స్థానం ఏర్పరచుకున్న శ్రీ రాజశేఖర రెడ్డికి అత్యంత సన్నిహితులైన వారిలో ఈ గ్రంథ రచయిత ఒకరు. సరళీకరణ విధానాలకు తలుపులు బార్లా తెరిచి ప్రభుత్వాలు వ్యవసాయాన్ని ఓ నష్టదాయకమైన వ్యాసంగంగా పాలకులు భావిస్తున్న తరుణంలో రైతును భారతదేశపు ఎజెండాగా మార్చిన నాయకుడు శ్రీ రాజశేఖర రెడ్డి. అనంతరం మనం ఈ పరిణామాన్ని స్పష్టంగా చూస్తున్నాం. సాంప్రదాయక కాంగ్రెస్ నాయకత్వ చట్రంలోకి కొత్తతరం నాయకుల్ని ప్రవేశ పెట్టినవాడు శ్రీ రాజశేఖర రెడ్డి. అనేక ముఖాలుగా వున్న ఈ ప్రాంత కాంగ్రెస్ పార్టీకి ఒకే ముఖంగా వెళ్లిన మనిషి. ఇది ఓ జాతీయ పార్టీలో ముఖ్యంగా కాంగ్రెస్ వంటి అసాధారణమైన పరిణామం. 

                                                                                                            - డా. డి. చంద్రశేఖర రెడ్డి