జ్ఞాపకాల పందిరిలో

బాల్యంలో మా ఊరి ఏటిగట్టున ఇసుకలో కట్టుకున్న బొమ్మరిల్లు

చిట్టి చేతులతో మా ఇంటి పెరటిలో నాటిన పచ్చ గన్నేరు మొక్కలు

నాతోపాటు ఎదుగుతూ పందిరిపై అల్లుకున్న సన్నజాజి తీగలు

ఇంటిచుట్టూ విస్తరించిన వృక్షానికి నాకోసం నాన్నగారు వేలాడదీసిన ఊయల

మల్లెలు చామంతులతో బారెడు జడకు అమ్మ అల్లిన పూలజడ

పోటీలుపడి నేస్తాలతో ఆడుకున్న ఆటలు పాడుకున్న పాటలు

యవ్వనాల పరవళ్ళతో కలతనిదురలో కాంచిన సుందర స్వప్నాలు

ఊహతెలిశాక అండమైన జీవితానికి వేసుకున్న బాటలు

ఆబాటలో నాకోసం నడిచివచ్చే చెలికాని కోసం ఎదురుచూపులు

వివాహబంధంలో ఆస్వాదించిన వెన్నెల రాత్రుల అనుభవాలు

అమ్మగాఅనుభవించిన కమ్మని మాతృత్వపు మధురిమలు

ఆశయాలకు ఊపిరిపోసిన కొత్తబాటలో పయనాలు

జీవితానికి అద్దంపట్టిన జ్ఞాపకాల పందిరిలో ముసురుకున్న తీపి గురుతులు

మగువమనసులో ఎన్నటికీ మరువరాని తీపి తలపులు...............