దిద్దుబాటు

దూరంగా జిల్లాకేంద్రానికీ, మండలకేంద్రానికీ విసిరేసినట్లుగా నిర్మానుష్యంగా ఉన్న ఆసెంటర్లో, కుంటుకుంటూ వచ్చిన ఆఖరిబస్సు నన్ను వదిలేసి తొందర తొందరగా అక్కడినించి వెళ్లిపోయింది.

అప్పటికే అక్కడ బంకు కట్టేసే ప్రయత్నంలో ఉన్న బంకతను, బస్సులోంచి దిగిన నావైపు అభావంగా చూసి, నిర్లిప్తంగా బంకు కట్టేసాడు. ఆసెంటర్లో దిగాలుగా వెలుతురు చిమ్మేప్రయత్నం చేస్తున్న వీధిదీపం ఒంటరిగా ఎవరి కోసమో ఎదురుచూస్తున్నది.

తోడు లేని సుదీర్ఘ అమావాస్యరాత్రిని ఎలా గడపాలా అని నక్షత్రాలన్నీ బిక్కుబిక్కుమంటున్నాయి.

బెంగగా అత్తారింటికి బయల్దేరిన కొత్త పెళ్లి కూతురి కళ్లకద్దిన కాటుకలా చీకటి అలుముకునుంది. ఆ అలుముకున్న చీకటిని ఆక్రమించేసి చెలరేగిపోతూంది చలి చాలా సేపటినుంచి.

అక్కడి నుండి దాదాపు మూడు మైళ్ళ దూరమున్న ఊరి వైపు మట్టి రోడ్డు మీద అడుగులు ముందుకేసాను.

అప్పటి వరకూ కట్టేసి ఉన్న వైనాపు నీడ చాటున ఎవరో కదిలినట్లు కళ్ళచివర్లలోంచి కనిపించింది. పట్టించుకోలేదు.

రెండడుగులు ముందుకేసాక ఎవరో పిలిచినట్లనిపించింది.

వెనక్కి తిరిగి ఆ చీకటిలో పిలిచిందెవరా అనిప రిశీలనగా చూడసాగాను.................