మా ఊరు రాజధానయ్యింది
ఊరు రాజధానయ్యింది
ఎక్కడో మూడొందల మైళ్లదూరాన ఉండాల్సిన రాజధాని
ఇప్పుడు నా నట్టింట్లోకి నడిచొచ్చింది ఇప్పటిదాకా
పొట్టచేతబట్టుకొన్న ఊళ్లు
రాజధాని బాట పట్టేవి
ఇప్పుడు
దస్త్రాలు చుట్టేసుకున్న రాజధాని
నా గుమ్మంలో అడుగుపెట్టింది.
ఎవరే కోడిపందాలలో పణంగా పెట్టారో
ఎవరు పొమ్మన్నారో ఎవరు రమ్మన్నారో నా ఊరికేం తెలుసు?
రాజధాని ఇప్పుడు నా పంచన చేరడానికి ఉబలాటపడుతోంది
* * *
మా ఊళ్లోని మామయ్యలూ బాబాయిలూ
అక్కలూ బావలూ తమ్ముళ్లూ
అందరూ కట్టగట్టుకొని
ఊరు ఖాళీ చేసి వలస బాట పట్టారు........................