వ్యక్తిత్వ నిర్మాణ శతకం!

కౌన్సెలింగ్, కోచింగ్ నా వృత్తి అయితే, సమాజంలోని భిన్నమైన వ్యక్తుల ఆలోచనా ధోరణులను విశ్లేషించడం నా ప్రవృత్తి. సాధారణంగా మనం సమాజం గీసిన గీతల్లో ఒదిగిపోవడానికి ప్రయత్నిస్తాం. కానీ ఆ గీతలను చెరిపేసి, తనకంటూ ఒక కొత్త ప్రపంచాన్ని, కొత్త తర్కాన్ని నిర్మించుకున్న అరుదైన వ్యక్తి రామ్ గోపాల్ వర్మ. అలాంటి వర్మపై శతకం రాస్తున్నానని సత్యరాహ్ చెప్పినప్పుడు నేను ఆశ్చర్యపోయాను. అప్పటికే వర్మపై ఆరు పుస్తకాలు వచ్చాయి, ఇంకా కొత్తగా చెప్పేది ఏముంది? అందునా శతకం?

శతక ప్రక్రియ తెలుగు సాహిత్యంలో ఒక సంప్రదాయ రూపం. వేమన శతకం, సుమతీ శతకం, దాశరథీ శతకం... ఇవన్నీ కాలానికి నిలిచిన రచనలు. సత్యరాహ్ ఆధునిక కాలంలో ఈ ప్రక్రియను ఎంచుకుని, ఒక సినిమా దర్శకుడిపై రాయడం ఒక ప్రయోగం. ఇది విజయవంతమైందా, కాదా అనేది కాలం నిర్ణయిస్తుంది. కానీ ఈ ప్రయోగం చేసిన ధైర్యం మాత్రం ప్రశంసనీయం.

‘మా వర్మ శతకం' చేతికందినప్పుడు, నేను గమనించిన విషయం... అందులో ఉన్నవి పద్యాలు కాదు, నాలుగు పాదాల కవితలు. కవితలు కూడా అనలేమేమో, expressions సరైన మాట. వందకు పైబడి ఉన్నాయి కాబట్టి 'శతకం' అన్నాడు, 'మా వర్మ' అనే మకుటం ఉంది కాబట్టి 'మా వర్మ శతకం' అని పేరు పెట్టాడు. ఈ forms and flexibility రచయిత స్వతంత్ర ఆలోచనా ధోరణికి సంకేతం. ఒక tra- ditional container లో modern content ను పోయడం ద్వారా సత్యరాహ్ ఒక hybrid literary experience సృష్టించాడు..............................