ఈతరం పిల్లలు చారిత్రక పురుషుల గురించి, గొప్పవారయిన మన పూర్వనాయకుల గురించి తెలుసుకోవటానికి ఉత్సాహం చూపటం లేదు. ఏదో పుస్తకాలలో కనిపించే వారిని గురించి మొక్కుబడిగా చదవటం తప్ప క్షుణంగా తెలుసుకోవాలని ప్రయత్నించటం లేదు. 

           పిల్లలు మన పూర్వనాయకుల గురించి, వీరుల గురించి తప్పకుండా తెలుసుకోవాలి. వారి స్ఫూర్తితో భవిష్యత్తులోకి సాగిపోవాలి. నిన్నటి ప్రభావం నేటిపైనా, నేటి ప్రభావం రేపటి పైనా ఉండక మానదు. ఈ చారిత్రక సత్యాన్ని ఎవరూ కాదనలేరు. 

           గతం ఎంత ఉదాత్తమైనదో, ఘనమైనదో పిల్లలు తెలుసుకోవాలి. ఆ గౌరవాన్ని నిలబెట్టే విధంగా తాము తయారవ్వాలనే ఆలోచన వారిలో కలగాలి. అలాంటి ఆలోచన వచ్చిన ప్రతి బాలుడూ ఒక ఉత్తమపౌరుడుగానే రూపొందుతాడు. 

                                                                                                          - డి. ఆర్. ఎస్. నరేంద్ర