నమస్కారం

నమస్కారం భారతీయ సంస్కారం. ఇద్దరు వ్యక్తులు కలుసుకున్నప్పుడు నమస్కరించటం భారతీయ సంప్రదాయం.

ఒకరికొకరు అభివాదం చేసుకునే పద్ధతి, పలకరించుకునే పద్ధతి ఒక్కొక్క జాతిలో ఒక్కొక్క విధంగా ఉంటాయి. అవి వారి వారి సంస్కృతీసంప్రదాయాల పైన, నాగరికత పైన ఆధారపడి ఉంటాయి. కరచాలనం, ఒక చేయి నుదుటిపై అడ్డంగా చేర్చటం, చేతి పైనో చెక్కిలి పైనో మృదువుగా ముద్దులు పెట్టటం, ప్రేమతో ఆలింగనం చేసుకోవటం, వంగి సలాము చేయటం,... ఇలా ఎన్నో పద్ధతులు. ఈ పలకరింపులో కూడా భారతీయులది ఒక ప్రత్యేకశైలి. అది శాస్త్రీయత మేళవించిన సంప్రదాయం.

పెద్దలని చూడగానే చిన్నవారు (వయసులో, అధికారంలో, జ్ఞానంలో, ధనంలో, ఎందులోనైనా సరే) చేతులు జోడించి నమస్కరించటం భారతీయులందరూ చేసే పని. 'నమ' అంటే వంగి ఉండటం అని అర్థం. అంటే పెద్దల ఎదుట అహంకరించకుండా అణిగి మణిగి ఉండటం. నాది అనేది లేనిది అనే అర్థం కూడా చెపుతారు 'నమ' అనే పదానికి. అంటే ఎదుటి వారికి తనను తాను సమర్పించుకోవట మన్నమాట.

Ga ఎందుకు నమస్కరించాలి? నోటితో 'హాయ్' అనో 'హలో' అనో అంటే సరిపోతుంది కదా! అనే సందేహం కలగవచ్చు. దానికి సమాధానం తెలుసుకోవాలి. మానవశరీరం ఒక విద్యుదయస్కాంతఘటం. ధన, ఋణ ధ్రువాలు కలిస్తే విద్యుత్ ప్రవాహమార్గం (సర్క్యూట్) పూర్తి అవుతుంది. మనిషి శరీరంలో అటువంటి ధ్రువాలు చేతివ్రేళ్ళు. వాటిని కలపటం వల్ల సర్క్యూట్..................