ఈ పుస్తకంలో పద్దెనిమిదవ శతాబ్దం చివరి దశబ్దం  నుండి ఇరవయైవ  శతాబ్దం రెండవ దశాబ్దం వరకు వివిధ భారాతీయ బాషలలో వెలువడిన తొలితరం   నవలల గురించి రాసిన పరిచయ వ్యాసాలున్నాయి. ఈ వ్యాసాల ద్వారా వందేళ్లకు పైన భారతదేశంలో  వివిధ బాషలలో అప్పుడే మొలకెత్తుతున్న నవలా ప్రక్రియను తులనాత్మకంగా పరిచయ చేయడం సాధ్యం అవుతుంది. "చారిత్రక", " చారిత్రక కాల్పనిక", వాస్తవిక " నవలల  మధ్య ఉండే తేడాలను అర్ధ చేసుకొని, ఈ సరిహద్దులను చెరిపివేసే విధంగా తొలితరం నవలలు  ఎదిగిన వైనాన్ని గుర్తించడం, ఏది నిజమైన "ఆధునికతో " అర్ధం చేసుకోవడం కూడా ఈ వ్యాసాల వల్ల వీలవుతుంది. ఈ నవలలు ఇంగ్లీషు చదువుల వల్ల ఏర్పడుతున్న పాశ్చాత్య భావాలకు, ఆనాటి సమాజంలో ఉండే ఆచార వ్యవాహారాలకు మధ్య జరుగుతున్న సంఘర్షణలకు , అప్పటి ప్రజలలో మెల్లగా పుట్టుకొస్తున్న స్వాతంత్ర్యాకాంక్షకు, ఈ పరిణామాల నేపథ్యంలో అప్పటి స్త్రీల ఆలోచనలకూ, వారి శారీరక , మానసిక అనుభవాలనూ, కోరికలను  వ్యక్తీకరించే ప్రయత్నాలకు, అద్దం పడతాయి.