డెత్ డే పార్టీ



కాలింగ్ బజర్ 'బర్' అంటూ మ్రోగింది.

వ్రాస్తున్న 'హంతక చూడామణి' డిటెక్టివ్ నవల తాలూకు కాగితాలు, కలం టేబుల్ మీద పెట్టి లేచి నిల్చున్నాను.

ఇంకా బజర్ శబ్దం చేస్తూ మ్రోగుతూనే వుంది.

గబగబ వెళ్ళి బజర్ స్విచ్ ఆఫ్ చేసి తలుపు వద్దకు నడిచి కోపంగా తలుపు తీశాను.

“నమస్కారం సార్!” పోస్ట్మన్ నవ్వుతూ విష్ చేశాడు.

పోస్ట్మన్ నవ్వు చూడగానే నాకు కొండెక్కినంత సంతోషం కలిగింది. ఏదయినా మనీ ఆర్డర్ వస్తేకాని అలాంటి చిరునవ్వు ఖర్చు పెట్టడు మా పోస్ట్మన్.

చేతిలోని ఉత్తరాల కట్టలోంచి రెండు కార్డులు, ఓ కవరు తీసిచ్చాడు. “ఇంతేనా?” అన్నట్లు నీరసంగా చూశాను.

భుజానికి వ్రేలాడుతున్న సంచిలోంచి ఓ పొడుగుపాటి కవరు తీసి అందించాడు. ఆ కవరు చూడగానే నా కళ్ళు క్రిందకు వాలిపోయాయి.

అది ఓ ప్రముఖ పత్రికలో సీరియల్గా ప్రచురింపమని అర్థిస్తూ వ్రాసి పంపిన సస్పెన్స్ నవల.

ఆ నవల తిరిగిరావడం నాకు తీరని ఆశాభంగమే అయింది...............................