విద్యార్థి విలాపం

కళాశాలలా ? కారాగారాలా ?

కళాశాలలు కారాదు విద్యార్థులపాలిట చెరసాలలు

కళాశాలలంటే కాదు పట్టభధ్రుల కర్మాగారాలు

కావాలి అవి విద్యార్ధులపాలిట పర్ణశాలలు


 

విద్యార్థులంటే కాదు రుబ్బురోళ్ళు

వారు కారాదు యంత్రాలకు నకళ్ళు

వేధిస్తే రాదు విజ్ఞానం

పెద్దలారా తొలగించండి మీ అజ్ఞానం.

 

దేశభక్తిలేని, సామాజిక బాధ్యత లేని,

నైతిక విలువలు బోధించని విద్యతో

తయారైన విద్యార్థి,

దేశానీకేరీతి సేవచేయగలడు ?

 

మీ 'అతి' క్రమశిక్షణతో,

వారికి కరువైన రక్షణతో,

మీ పర్యవేక్షణే భక్షణె

తనువు చాలించే భవిత అంధకారమై.

 

పొత్తిళ్ళ నుంచే ఒత్తిళ్ళు పెడితే

ఆడుకునే వయసులోనే ఆరళ్ళు

పెడితే పరవళ్ళు తొక్కేటి పసిప్రాయమే

వారికి నరకప్రాయమగును.....................