గట్టిగ తిరిగితే ఇరవై నిమిషాలల్ల మా ఊరు ఛుశుడు అయిపోతాది. "అర్బనూరు" అని నేనొక కథ కోసం కనిపెట్టిన పదం మా ఉరిని చూసి పెట్టిందే . అచ్చంగా అట్లనే ఉంటది మా ఊరు.

                  సిటీకి ఊరులెక్క .

                  ఊరుకి సిటిలెక్క.

                నేను మా ఊరి గురించి , మా ఉరి మనుషుల గురించి, మా నాన్న గురించి, మా ఆమ్మ గురించి చెప్పాల్నాన్ని చానా రోజుల్నించి అనుకుంటున్న. చెప్తానికి మస్తు కథలున్నయి సరే, అయి ఎట్ల చెప్పాలి? ఏది కథ అయితది? ఈ జ్ఞాపకాలు,ఇష్టాలన్నీ పోగేసి ఎం కథ రాయాలి? ఇదంత నా మెదడుల తిరుగుతూనే ఉండే. మొత్తానికి కొన్ని కథలు దొరికినాయి. వాటి గురించి ఆలోచించుకుంట ఈ కథలు రాస్తుంటే నాకు నేను దొరుకుతూనే ఉన్న. ఒక్కసారి గతాలకువోతే మనకు మనం గుర్తొస్తమంటే ఇదేనేమో. ఇయి రాస్తుంటే నన్ను నేను మళ్లా దోలాడుకుంటున్నట్టు, నాకు నేను మళ్లా దొరుకుతున్నట్టు ఆనిపించింది. మీగ్గూడ అట్లనే అనిపిస్తదా లేదా చెప్పలేను . సదివి మిరే చెప్పాలి.