సందడే సందడి

(నాటిక)

(మధ్యతరగతి కుటుంబం సిటీ. సుశీల హడావుడిగా లోపలి నుండి వచ్చి టేప్ రికార్డర్ ఆన్ చేయబోయి టీవీ పెట్టింది. సోఫాలో కూర్చుని చూస్తోంది. ఇంతలో చంద్ర శేఖర్ వెనుకగా వచ్చి ఆమె కళ్ళు మూశాడు)

శేఖర్ : సుతీ! నేనోచ్చేశాను..

సుశీల: ఏయ్! ఎవరు మీరు? ఏం కావాలి?

శేఖర్ : అదేంటి సుతీ! అలా అడుగుతున్నావు?

సుశీల: మరి.. ఇంకెలా అడగమంటారు? ఎవరు మీరు? హూ ఆర్ యు?

శేఖర్: నేను ఎవరినా? నీకేమైనా మతి పోయిందా? నేను నీ మొగుడిని.. అంటే..

సుశీల: మొగుడ్ని ఇంగ్లీష్ హజ్బెండ్ అంటారని నాకు తెలుసు గానీ, ఇంతకీ మీరెవరో చెప్పండి.

శేఖర్: ఏయ్! యూ సిల్లీ.. సుశీ డార్లింగ్ ! నేను చంద్రశేఖర్ ని.. అంటే.. నీ ప్రియమైన శ్రీవారిని అన్న మాట.

సుశీల: అన్నమాట లేదు, తమ్ముడిమాట లేదు. పిచ్చిపిచ్చిగా మాట్లాడావంటే మర్యాదగా ఉండదు. అసలే మా ఆయన వచ్చే టైం అయ్యింది. ఇలా నిన్ను నన్ను చూస్తే అపార్ధం చేసుకుంటాడు. మర్యాదగా ముందు బైటికి నడువ్.

శేఖర్: ఏయ్ సుతీ! ఏంటి ఇది? తాళి కట్టిన మొగుడ్ని పట్టుకుని?

సుశీల: ఏంటి? మీరు నాకు తాళి కట్టారా? ఎప్పుడు?

శేఖర్ : ది.2-2-2022న ఒంగోలు పక్కన వెంకటాయపాలెంలో అంటే మా వూళ్ళో, మా ఇంటి దగ్గర మన పెళ్లి జరిగింది. చక్కగా, సంప్రదాయ బద్ధంగా,....................