డాక్టర్ షాడో

“గుండెలమీద ఎవరో చెయ్యి వేసి బలంగా అదిమినట్లు అనుభూతి చెందుతూ నిద్రలో నుంచి లేచాడు షాడో.

స్నానం చేసినట్లు చెమటలతో నిండిపోయింది శరీరం. దాహం వేస్తున్నట్లు ఎండుకుపోయాయి పెదవులు. పదునైన కత్తితో కెలుకుతున్నట్లు గోల చేయడం మొదలుపెట్టాయి షాడో కడుపు కండరాలు.

బాధ!

భరించలేని బాధ!!

గుండెలనిండా వూపిరి పీల్చుకోవటానికి విశ్వప్రయత్నం చేస్తూ తలను ప్రక్కకు తిప్పి విండోలో నుంచి బయటికి చూశాడతను. పధ్నాలుగు వేల అడుగుల ఎత్తున దట్టమైన మేఘాల మధ్యగా ప్రయాణం చేస్తోంది అతనెక్కిన బోయింగ్ విమానం. మరో అరగంట గడిచిన తర్వాతగాని డెస్టినేషన్ని చేరుకోదు..........................