పురుష సూక్తమ్

భారతీయ ఆధ్యాత్మిక పునర్వికాసం గురించి మనం చేసేటటువంటి ప్రయత్నాలలో దేవాలయాలు చాలా ప్రముఖమైన పాత్ర వహించబోతున్నాయి. మామూలుగా దేవాలయాలు ఇప్పుడున్నట్లు కాకుండా రాబోయేటటువంటి రోజులలో ఏడు ప్రముఖమైన దేవాలయాలు చాలా ప్రముఖపాత్ర వహిస్తాయి. ఆ ఏడు దేవాలయాల యొక్క సూక్ష్మీకరణ రూపమే ఇది. ఆ ఏడు దేవాలయాలకి కావలసినటువంటి ఉపాసనా విధివిధానాలు నేర్చుకోబోతున్నారు. అందుచేత మళ్ళా మీరు ఆ పురుష సూక్తమే చదువుకుంటున్నారు, ఆ శ్రీ సూక్తమే చదువుకుంటున్నారు. ఆ మంత్రపుష్పమే చదువుకుంటున్నారు అనేది మర్చిపోండి. మీరు చాల కొత్త విషయాలు నేర్చుకుంటున్నారు ఎందుకంటే వేదాలు నిత్యనూతనమైనవి, శాశ్వతమైనవి, సనాతనమైనవి. ఆ కాలంలో అలా ఉపయోగించుకున్నాం ఈ కాలంలో ఇలా ఉపయోగించుకుంటున్నాం రేపు రాబోయే కాలంలో ఎలా ఉపయోగించుకోబోతున్నాము అనేటటువంటి విద్య నేర్చుకోబోతున్నారు. ఎందుకు ఈ విద్య నేర్చుకోవలసినటువంటి అవసరం ఉంది అంటే రేపు దేవాలయాలని సూర్యకిరణ రంగులతోనే పిలిచేటటువంటి సంభావ్యత చాలా ఎక్కువగా ఉంది................