రఫ్ గేమ్ అర్ధరాత్రి పన్నెండు గంటలవుతోంది! అమావాస్య రాత్రి... చీకటి కాటుక పులిమినట్లు వాతావరణాన్ని అలుముకుపోయి కన్ను పొడుచుకున్నా కనబడటం లేదు. నల్లని తారురోడ్డు చచ్చిన కొండచిలువలా మెలికలు తిరిగి వుంది! రోడ్డుకిరువేపులా చింతచెట్లు గాలికి కొమ్మలు వూగుతుంటే వికృతంగా శబ్ధాలు చేస్తున్నాయ్! వాచ్లోకి చూసుకుంది ధీరజ. సెకన్ల ముల్లు వేగంగా కదులుతోంది! తలతిప్పి చూసిందామె! దూరంగా పొదలమాటున ఆగి వున్న వాన్ ప్రక్కన నిలబడి వున్నారు కానిస్టేబుల్స్, విసురుగా వీస్తున్న చలిగాలివలనో... ఆ వాతావరణంలోని భయంకరత్వానికో... త్వరలో సంభవించబోయే సంఘటనను వూహించుకునో... వారి శరీరాలు స్వల్పంగా కంపించటం ఆమె కంటి చివర్ల నుండి గమనించింది! వారెందుకు భయపడుతున్నారో ఆమెకి తెలుసు! తాము ఎదుర్కోబోతోంది ఎవరినో తెలుసుగనుక వారంతగా భయపడుతున్నారు! అందులో అసహజత్వంలేదు. తాము ఎదిరించబోతోంది వట్టి వ్యక్తిని కాదు. ఒక భయంకర దుష్టశక్తి............................... |